影片
更多
2024-06-14
2925 浏览
拿拿食评系列 #伦敦大酒楼星期五放假，约左朋友食早餐，朋友就问有冇兴趣去伦敦大酒楼饮早茶，于是我地2个后生仔就上左去喇~一上到去，大部份客人都系年长既一辈，显得我地2个有啲奇奇怪怪~ 我地上左3楼，3楼是自由揾位既，基本上就系你见到有吉位，就可以坐埋去，但系伦敦大酒楼生意好，都系满坐既！服务员见到我地2个系到揾位，都好好人，带左我地去一张已经埋左单就快走既枱旁边等，于是我地15分钟内就成功入座~坐低开好位后，就拎住张卡，出去拎野食，因为2个人，唔敢叫太多，惊食唔哂，就叫左3样最想食既。虾饺、烧卖饮茶必食就唔使讲啦！重头戏系煎肠粉，岩岩煎起既肠粉，超级香！真系会因为想食煎肠粉再上黎帮衬，一啲都唔夸张！你食紧既时候，重会有经典既点心车经过，好有旧式酒楼既气氛，岩食既可以叫一笼~虾饺烧卖煎肠粉不过就建议大家多啲朋友一齐约埋食早餐，锦就可以试多啲唔同既点心~
星期五放假，约左朋友食早餐，朋友就问有冇兴趣去伦敦大酒楼饮早茶，于是我地2个后生仔就上左去喇~
一上到去，大部份客人都系年长既一辈，显得我地2个有啲奇奇怪怪~ 我地上左3楼，3楼是自由揾位既，基本上就系你见到有吉位，就可以坐埋去，但系伦敦大酒楼生意好，都系满坐既！服务员见到我地2个系到揾位，都好好人，带左我地去一张已经埋左单就快走既枱旁边等，于是我地15分钟内就成功入座~
坐低开好位后，就拎住张卡，出去拎野食，因为2个人，唔敢叫太多，惊食唔哂，就叫左3样最想食既。虾饺、烧卖饮茶必食就唔使讲啦！重头戏系煎肠粉，岩岩煎起既肠粉，超级香！真系会因为想食煎肠粉再上黎帮衬，一啲都唔夸张！
你食紧既时候，重会有经典既点心车经过，好有旧式酒楼既气氛，岩食既可以叫一笼~
虾饺
虾饺
233 浏览
0 赞好
0 留言
烧卖
107 浏览
0 赞好
0 留言
煎肠粉
159 浏览
1 赞好
0 留言
张贴
