貴族蛋糕

营业中

休息中

假期经过花墟见到朋友曾向我推介的港式怀旧蛋糕店。店舖主打造型蛋糕、手工曲奇及手工朱古力。一于入内买番去与家人分享。店舖外面除左有部大电视介绍店内的招牌之外，还见到寿桃造型及立体玫瑰花造型蛋糕。睇中左盒罐装礼盒曲奇！$156共8种口味。手工朱古力 $78/100g 一包有齐10多款口味嘅手工朱古力。牛奶朱古力夏威夷果仁 每粒朱奶朱古力都有3粒果仁，朱古力顺滑配埋香脆可口嘅果仁甜而不腻。白朱古力夏威夷果仁比想像中无甘甜，食落口感更加顺滑。而最得我欢心嘅就梗系酒心朱古力及软心朱古力，味道质感似有名L牌朱古力。全香港制造罐装手工曲奇 $156/盒买两罐以上有优惠之外，原来每盒卖出嘅曲奇同蛋糕贵族都会捐出港币3元做善事。总共有8款口味曲奇。分别系心型曲奇、夏威夷果仁曲奇、黑白芝麻夏威夷果仁曲奇、朱古力果仁曲奇、提子曲奇、咖啡核桃曲奇、核桃曲奇、腰果曲奇。最爱朱古力果仁曲奇，朱古力香气够而不甜，果仁令曲奇增加香脆层次口感。鲜芒果忌廉卷 $44海绵蛋糕松软有空气感，用上新鲜材料芒果，粒粒清甜。淡忌廉顺口绵滑，清香不腻。家人对呢个芒果忌廉卷都好满意。