蓮香樓 (已易手) 新餐厅

爸爸生日去饮茶。我知爸爸一直好钟意去莲香饮茶。对上一次去莲香 , 应该系10年前仲读紧书，都系爸爸带我去。其实莲香好多人，好多游客，好难揾位又要搭台，真系好麻烦。野食我唔觉得特别好味架，普通质素，仲要每次有阿姐车仔出，大家都要去抢野食。有好多游客慕名而黎，唔知佢地享唔享受呢种旧式茶楼既格局呢。不过我知好多有回忆既食客，就应该好享受既。同台搭台一家大细，妈妈同阿囡讲"爷爷以前都带爸爸黎呢到饮茶架"然后后一台食客又讲，不停系到讲四哥既情史，究竟佢系唔系讲廿年架呢。我谂，钟意去一间餐厅，有时都系一种习惯。