炊豕店 (威靈頓街) (已結業)

炊豕店由铜锣湾起家，果阵时已经系附近上班族同大专生既恩物，因为佢地既猪扒饭抵食夹大件，系铜锣湾既总店成日都keep住排长龙😎近呢2年积累咗咁多fans，餐厅都冲出铜记开分店，中环系第二间，最新就系九龙长沙湾💡今日黎到中环分店回味一番，装修主打老香港味道，墙上既仿钨丝灯泡，老旧既暖水壶，布置既旧海报同铁皮信箱都好有心思🏮 🥩大阪烧猪扒饭 $64原来而家新出咗呢款饭，同日式嚟个crossover，咁我梗系试一试。店员拎过黎既时候已经见到上面木鱼花飘扬🤤差唔多铺满成块特大炸猪扒，下面仲有挤咗蛋黄酱系猪扒上面，完美复刻大阪烧既toppings。 🐟食落味道层次分明，带住鱼香味既木鱼同香脆猪扒算几夹，但连埋饭一齐食就比较麻烦，感觉太厚实。蛋黄酱同烧汁为个饭加返d湿润易入口，份量一如以往咁饱肚。 🍜冲绳猪软骨捞幼面 $64补充骨胶原最佳选择，猪软骨焖得非常入味，酱汁香香甜甜😋捞面食好均匀。配料仲有莲藕同萝卜，莲藕咬落爽脆香甜，萝卜就普通🥕 🍮肉燥冻豆腐 $22日式麻酱豆腐上面又有木鱼花，旁边就系经典肉燥，呢个组合都几超值😆一次过食到好多野，用埋一齐黎捞饭捞面食都好够。