串本屋 (已結業)

呢几条街都比较旧同窄，但入到呢间居酒屋又完全去咗第二个空间咁，食得舒服又放心。店内留有足够空间俾客人，小小嘅墙上装饰加木色枱櫈都增添咗日式感。明明食串烧主打，却一点油烟感都无，配埋啤酒或特色酒精饮品，感觉好舒服。 食咗太多款，抽几样特别嘅嚟讲︰白印提子酒梳打真系好香提子味，酒味同糖水味都唔多觉，但饮完睇身体反应酒精又唔系少。前菜番茄都认真整，系个好开始，仲先收$12好抵食。 烧芝士年糕呢个真系估佢唔到，超班！米香极重，皮软得嚟有小小粉粒仔，口感非常好。紫菜又够香同新鲜，真系有系日本食嘅感觉！ 吉列炸生蚝皮表够晒脆，入边又够晒Juicy，蚝肉仲要非常饱满添。  日本甜蕃薯仔面层甜甜地，仲有薄脆效果，紫薯味好出。 汁煮海螺份量都几多，Size同肉质弹牙。甜味大于酒味，连螺壳内都系满晒汁，做前菜同𩠌酒都好岩！ 黄花鱼一夜干
第一次食一夜干，仲要成条上。酱汁好食，表皮同边位香口，内里肉质又厚实。 串烧秋葵唔知点解可以烧到面层索到汁又唔变硬，甜甜地咁，有惊喜。 萤光鱿鱼冲渍鳗鱼茶渍饭月见自家制免治鸡肉棒毛豆