皇發粥品 (已結業)

近年兴集体回忆，旧区重建、人口老化、连锁店兴起，N个理由令以前梗有一间喺左近嘅传统粥店买少见少。所谓礼失求诸野，要食好嘢唯有走嚟荃湾福来邨皇发。舖面大大张纸写明「本店一律不用味精调味」😄，今时今日，人人标榜健康饮食，老板真系识宣传。        舖面几十年如一日，圆枱圆櫈，热气腾腾，无论粥档同小食档都系油𥹉𥹉，杂乱无章，炒面炒河萝卜糕肠粉瓣瓣齐，但放到冻晒😔过咗早餐繁忙时间，只有一枱堂食，我叫咗碗碎牛粥跟牛脷酥，食完真系无口干，肯定老细无落「师傅」，牛脷酥微暖脆口，尚算松化，街坊生意，平淡中见真味。