影片
更多
2022-01-17
1445 浏览
今日又走咗去陪我𠮶个好钟意饮茶嘅屋企人出嚟叹早茶，好早起身呀😅 佢最钟意去一啲旧式茶楼试点心，我谂如果有睇过我几篇食评嘅人都应该知道 ╮(￣▽￣"")╭ 「日日都饮茶，你估真系人人都钟意饮茶咩？」 (🤪🤪🤪希望我屋企人唔知道我喺度写佢) 今次我哋就上咗一间好古旧而且冇乜额外装修嘅茶楼度(明显系做街坊生意，唔打算杀出一条年轻人嘅出路)。上到去，可能系太早嘅关系，啲职员都未返，得一个阿叔喺度帮我哋斟茶摆茶具。 当时去到目测得三枱客。 佢哋冇优惠时段㗎。不过睇返，原来呢间野都真系几大件夹抵食嘅，虾饺烧卖比五粒你，食完都饱啦，老人家食一个点心就够🤭 虾饺啲虾冇乜味，烧卖你会食到系手切肉，都算有啲咬口。但实属普普通通，完全俾唔到啲乜嘢深刻印象我哋。 凤爪，热辣辣咁上枱，炆得好淋，算系我几钟意嘅一只口感(唔系硬骨骨爽口𠮶只)。 咸水角只系暖暖哋，不过好彩都系新鲜炸起。 佢哋嘅牛肉肠粉我就嫌佢唔够热，虽然啲肠粉皮都好滑，肠粉唔够热系会有啲失色。 其实而家我去亲食灌汤饺，都冇乜特别期望，因为好多舖头嘅灌汤饺，都只系好似粒加大版烧卖咁(得啲猪肉)，唔会好似以前咁~用金华火腿煮个汤，完全冇乜质素可
佢最钟意去一啲旧式茶楼试点心，我谂如果有睇过我几篇食评嘅人都应该知道 ╮(￣▽￣"")╭ 「日日都饮茶，你估真系人人都钟意饮茶咩？」
(🤪🤪🤪希望我屋企人唔知道我喺度写佢)
今次我哋就上咗一间好古旧而且冇乜额外装修嘅茶楼度(明显系做街坊生意，唔打算杀出一条年轻人嘅出路)。上到去，可能系太早嘅关系，啲职员都未返，得一个阿叔喺度帮我哋斟茶摆茶具。
当时去到目测得三枱客。
佢哋冇优惠时段㗎。不过睇返，原来呢间野都真系几大件夹抵食嘅，虾饺烧卖比五粒你，食完都饱啦，老人家食一个点心就够🤭
虾饺啲虾冇乜味，烧卖你会食到系手切肉，都算有啲咬口。但实属普普通通，完全俾唔到啲乜嘢深刻印象我哋。
凤爪，热辣辣咁上枱，炆得好淋，算系我几钟意嘅一只口感(唔系硬骨骨爽口𠮶只)。
咸水角只系暖暖哋，不过好彩都系新鲜炸起。
佢哋嘅牛肉肠粉我就嫌佢唔够热，虽然啲肠粉皮都好滑，肠粉唔够热系会有啲失色。
其实而家我去亲食灌汤饺，都冇乜特别期望，因为好多舖头嘅灌汤饺，都只系好似粒加大版烧卖咁(得啲猪肉)，唔会好似以前咁~用金华火腿煮个汤，完全冇乜质素可言。
不过呢间有少少唔同，食到佢有少少碎嘅排翅，比其他铺用心。
盛谓$181，实在有啲普通，应该冇下次。我应该会拣帝豪，或者系牡丹金阁。
张贴
