渝味曉宇重慶老火鍋 (聚賢逸居) (已結業)

有朋友介绍一定要试下呢间渝味晓宇重庆火锅，话系中国好出名，辣得好过瘾，见系香港开左几间分店，就试一试啦。一坐低店员就比左一人一碗糖水，虽然系免费，但都好足料，清甜润喉。先讲个汤底，佢地系每位计既，对于我地人少少真系非常好呀。我地拣左个鸳鸯锅，一边系猪骨锅，另一边系普通辣锅。猪骨锅都几够味，唔会咸。普通辣锅都好辣呀，麻麻辣辣咁，好好食。一定要配埋佢d麻油去食，又香又解辣。另一个特别既地方系，呢度既火锅份量可以选择半份或全份，人少少可以叫多几款，抵赞。安格斯肥牛肥瘦均匀，嫩滑有牛脂香鸭血麻辣火锅必备，好快入味，爽口。莴笋摆碟摆得好靓，滚两滚就吸晒d汤，好滑好爽。红糖糍粑即叫即炸，配埋红糖浆，口感烟韧，非常好食。美国桶蚝大只够新鲜，蚝味重。嫩牛肉口感软嫩，脂肪比例适中，牛味重。临走前见到原来午时火锅有8折优惠，超抵，下次再食过。