Schnee German Restaurant (已結業)

记得上次食纯正德国菜已是去年10月嘅德国啤酒节……德国大肉肠、德国啤、德国咸猪手、德国面团，今日让我再遇上，欠的就衹有穿德国女仆服嘅啤酒女郎而矣！筲箕湾东大街一向卧虎藏龙，中西日韩各国菜式纷陈，逐间试匀恐怕要排到月底！今晚为咗要重温德国梦……梦想又到啤酒节……就拣咗呢度……德国大肉肠真系冇得输一一脆皮的、芝芯的、厚肉的……一碟已经有齐晒，梗系，拼盘㖞！招牌㖞！讲起招牌，冇理由唔叫咸猪手，上碟时侍应细心地先让我拍照，再帮手切开几大旧，肉质呈粉红状，一丝一丝有嚼劲……枱头嘅芥辣、酸酱齐备，喜欢点就点，唔点亦一样好味！惊喜嘅还有德国面团，又名"德国面疙瘩", 德语为 Spatz，意为小鸟雀，是德国饮食中常见的一种鸡蛋面，常作为主食。查实喺欧洲，如奥地利、瑞士、匈牙利等都会见到佢架！新鲜焗起嘅面团渗满芝士香，面层焗至微焦，起一粒粒，QQ的又弹牙，食佢好过食饭，我话嘅！