影片
更多
2018-02-08
67 浏览
Happy Friday约喺铜锣湾嚟个Happy gathering，难得聚首一堂，梗系要食餐好！嚟到「牛禅」当然一定要食和牛，但其他野食都几好食！日本青苹果蟹籽沙律面头系大量蟹籽，咬落去脆卜卜。青苹果切丝切得好幼细，爽脆青甜又带一啲微酸，伴有车厘茄、沙律菜，食完特别开胃。一口芝士总共有六件，三角形造型，小巧精致，啱啱好一口一件! 外皮脆浆做得好薄，里面芝士有香浓芝士味，仲好柔软，但就无拉丝效果。清酒放题惠顾套餐或和牛盛宴可以加$100/位享用90分钟清酒放题，以用膳人数作准，因为其他朋友都好饮得，我就唯有奉陪，全枱一齐加啦！酒杯外仲有个小木盒，饮清酒礼仪系要人地帮你斟，千奇唔好自己斟呀，仲要斟到最满或满泻先啱，所以店员每次都会帮你斟到满一满，系礼貌嚟，唔系迫你饮酒㗎！清酒带有轻柔酒香，唔会有过酸过苦味道，亦唔会刺鼻，闻落带少少芬香，都算系几易入口。极上和牛盛宴用左一个牛板上枱，按返牛嘅唔同部位相应咁摆放，亦有标签标示。九个部位，每个部位有四片，最啱二人或四人分享！餐牌写得好清楚，建议由淡味食到浓味，由牛舌开始，最后系肉眼。每个部位都按肉味、爽口度、油花评分，好专业！因为系靓和牛，基本
日本青苹果蟹籽沙律
面头系大量蟹籽，咬落去脆卜卜。青苹果切丝切得好幼细，爽脆青甜又带一啲微酸，伴有车厘茄、沙律菜，食完特别开胃。一口芝士
总共有六件，三角形造型，小巧精致，啱啱好一口一件! 外皮脆浆做得好薄，里面芝士有香浓芝士味，仲好柔软，但就无拉丝效果。
清酒放题
惠顾套餐或和牛盛宴可以加$100/位享用90分钟清酒放题，以用膳人数作准，因为其他朋友都好饮得，我就唯有奉陪，全枱一齐加啦！酒杯外仲有个小木盒，饮清酒礼仪系要人地帮你斟，千奇唔好自己斟呀，仲要斟到最满或满泻先啱，所以店员每次都会帮你斟到满一满，系礼貌嚟，唔系迫你饮酒㗎！清酒带有轻柔酒香，唔会有过酸过苦味道，亦唔会刺鼻，闻落带少少芬香，都算系几易入口。
极上和牛盛宴
用左一个牛板上枱，按返牛嘅唔同部位相应咁摆放，亦有标签标示。九个部位，每个部位有四片，最啱二人或四人分享！餐牌写得好清楚，建议由淡味食到浓味，由牛舌开始，最后系肉眼。每个部位都按肉味、爽口度、油花评分，好专业！因为系靓和牛，基本上唔驶烧全熟，带有少少血水会仲好食。烧完表面有烧烤格纹，入口牛味好浓，牛油系咇晒出嚟，又香滑又冇渣，真系超正。因为本身无预先作任何调味，只要加少少即磨岩盐已经劲好食，好回味！
牛油露笋炒野菌
食得太多肉，叫左露笋炒野菌平衡吓，露笋爽脆有益，加埋几种野菌用牛油去炒，面头亦有芝麻，好香口，送饭一流。
岩盐雪糕
最后甜品叫左雪糕，虽然天气咁冻，但总要有个甜品先够完满。粉蓝色好靓呀！少少盐味又少少甜味嘅雪糕，好特别！
榴梿雪糕
呢度竟然有榴梿雪糕，作为榴梿迷又点可以错过呢?! 再食多一球，奶味唔会过重，榴梿味亦唔会过度浓烈，系属于香甜易入口，好味道!
埋单虽然都几贵，但无论味道、服务、环境都系「极上」级别，偶尔食贵啲，对自己好啲，享受舌尖上美味，都系值得嘅!
张贴
