影片
更多
2023-10-18
4900 浏览
因为闲日收工食饭，最快都要约7点半食，全程都好似好赶咁，店员劲快帮我地煮菜、煮面到收走D碗碟。食物质素唔错，店员态度亦系有礼貌，只系就成餐饭偏赶。🔥特选神户牛套餐 $1299★★★★☆呢个套餐会有6款前菜，比其余套餐多2款。前菜由淡味开始食到最后最浓郁嘅。有腌茄子、松露甜虾、矶煮鲍鱼、三文鱼子豆腐、带子裙边，最有印象嘅一定系黑毛和牛他他，有啲果仁碎系面，加埋只鹌鹑蛋捞匀佢食，爽滑得黎完全唔会冇筋位，啖啖肉好正！今次个主角当然系招牌极上级兵库县产特选神户牛西冷寿喜烧套餐，精选左日本三大铭柄牛之一嘅神户牛，有4大片，呢只牛出哂名极嫩滑，和牛香气浓郁。一上枱已经见到超靓大理石纹理油花，同另外一款牛一比较就有伤害，色泽油花都差一截。呢到会有专人帮手烧，亦会问客人有冇特定想嘅熟度。佢地先用和牛油脂块煎香锅面，再将块和牛以用中火香煎，两面都有焦糖色，再落寿喜烧酱汁。但当日有唔同店员烧都有唔同做法，有啲先落酱汁，有啲先落牛，有啲就系咁翻面，完全唔统一做法，稍为唔专业感觉。一块牛西冷好大一块，都分左几啖食，第一啖先原汁原味，块牛好嫩滑，近乎入口即融。完全唔会有纤维感，个和牛甜味同油脂感好突出，食得出有
🔥特选神户牛套餐 $1299★★★★☆
呢个套餐会有6款前菜，比其余套餐多2款。前菜由淡味开始食到最后最浓郁嘅。有腌茄子、松露甜虾、矶煮鲍鱼、三文鱼子豆腐、带子裙边，最有印象嘅一定系黑毛和牛他他，有啲果仁碎系面，加埋只鹌鹑蛋捞匀佢食，爽滑得黎完全唔会冇筋位，啖啖肉好正！
今次个主角当然系招牌极上级兵库县产特选神户牛西冷寿喜烧套餐，精选左日本三大铭柄牛之一嘅神户牛，有4大片，呢只牛出哂名极嫩滑，和牛香气浓郁。一上枱已经见到超靓大理石纹理油花，同另外一款牛一比较就有伤害，色泽油花都差一截。
呢到会有专人帮手烧，亦会问客人有冇特定想嘅熟度。佢地先用和牛油脂块煎香锅面，再将块和牛以用中火香煎，两面都有焦糖色，再落寿喜烧酱汁。但当日有唔同店员烧都有唔同做法，有啲先落酱汁，有啲先落牛，有啲就系咁翻面，完全唔统一做法，稍为唔专业感觉。一块牛西冷好大一块，都分左几啖食，第一啖先原汁原味，块牛好嫩滑，近乎入口即融。完全唔会有纤维感，个和牛甜味同油脂感好突出，食得出有牛味。之后就再沾埋生蛋液食，食得到浓郁牛肉原味之余有阵阵蛋香，仲要再令到块牛更加顺滑。当食到第二块嘅时候就可以落啲其他调味料，好似青柠、山椒、黑七味等等，咸、酸、辣有齐哂，马上解腻！
🔥日本产黑毛和牛西冷套餐 $659★★★★☆
日本产嘅黑毛和牛西冷套餐有三大块，同神户牛比较，色泽偏深红色，油花都冇咁细腻平均。食落较为有咬口，冇咁嫩滑，牛味明显冇咁浓，亦同样油脂冇咁清甜，偏向奶味重啲，比较容易腻。但价钱平一半黎讲都好抵食，唔会话唔好食。食到一半都可以叫店员煮下菜，解下腻先。野菜盛合种类都多，有京葱、白菜、南瓜、萝卜、洋葱等，蔬菜已煮得好入味，鲜甜爽脆，食完会比较清爽，之后再食牛都冇咁漏。食牛个阵仲可以配日本米饭。最后有埋赞岐乌冬，将个蛋汁加埋落去捞黎食一流。是日甜品就系抹茶缺饼。
🌟总括：满足嘅一餐，牛肉质素靓，真系点煮都好味。前菜好别致有心机，蔬菜、乌冬、甜品就正常发挥啦。如果食都要早啲去，咁样成餐饭会冇咁赶。
张贴
