渝味曉宇重慶老火鍋 (太子集團中心) (已結業)

同非常钟意食辣嘅朋友食团年饭，朋友话带我去食舌尖上的重庆火锅，虽然我唔好食辣，既然朋友介绍到就一于去试下。餐厅唔算大但胜在座位够阔落，两个人都安排咗卡位，坐得舒适。入座即送上雪耳红枣糖水滋润一下。点咗双拼鸳鸯锅，山珍菌汤锅汤底清菇味浓，鲜菇份量多。普通辣大红锅，花椒八角味浓，辣油香不算太辣。美国安格斯肥牛牛味浓，肉质嫩滑。冻豆腐豆味香浓，蜂巢效果出色，吸尽汤嘅精华。牛丸有陈皮味、墨鱼丸有墨鱼粒够鲜甜、虾丸弹牙，但份量少。鹅肠爽脆有油香味但唔够肥。白鳝片肉质爽脆，但份量少。现炸豆皮炸得香脆，质地唔似鱼皮及响铃般一浸汤就淋，既吸有汤嘅精华又有脆嘅口感，值得一试。红糖糍粑外脆内软，口感轻韧，甜味适中，黑白芝麻香口。