台南阿豆仔 (已結業)

心血来潮想食正中台湾地道美食，以为飞去台湾已经好方便，原来搭车去铜锣湾都食到！走到兰芳街发现原来都有几家特式地舖餐厅，今晚就到「台南阿豆仔」，回味一下台湾味道。一拉开趟门，骤然踏入台湾夜市街边店一样，眼看到一块又长又大嘅胶牌，上面写上红色蓝色食物名，加上部份坐位是啤酒胶箱，充满台湾地道风味。餐牌上小至小食，大至小炒都可以选择。我地两个就拣左必食鲁肉饭、炒新竹米粉，仲有唔少得嘅台啤同地瓜条啦！如果讲味道，确实同台湾食到嘅无异，唯一最大差异就系个新竹米粉有劲多料，顶有炸蚝饼脆脆，又有大虾仁、芹菜、芽菜、甘笋丝等等，配料多多。醉鸡都好值得嘉许一下，夹杂著浓郁酒味及杞子香味，件件鸡都大大件又肉厚小食代表地瓜条，加梅子粉就系101分之作！地瓜甜，梅子酸尾尾，送埋啤酒！无得输！