太平飯店 (已結業)

今日过海去到北角，见到地铁口有间餐厅，铺面好企理，同女友入去坐低舒舒服服食个晚饭（顺便过一过冷河）闻到D卤水好香，即刻叫左个卤水鹅片、花雕鹅肝、花雕醉鲍鱼、乌头、蚝仔肉碎粥，仲有靓汤-粉葛赤小豆煲猪骨。先上花雕醉鲍鱼，花雕酒同杞子嘅味道入晒每一片鲍鱼里面（鲍鱼系原只切片上）天气热辣辣啱晒食跟住上乌头同靓汤，出品都好快乌头无泥味同火水味（最鬼怕）仲够晒肥，你睇出晒油饮返啖靓汤先，我最爱葛汤跟住上埋鹅片、鹅肝我当然系食鹅肝先啦！口感硬、鹅肝跟花雕酒起唔到「化学作用」哩碟卤水鹅片嘅摆盘，我睇到一份厨师嘅执着，虽然我觉得鹅片偏瘦（我钟意多D油份，因为比较香滑）但荳腐唔会有油益味，卤水汁香浓，𩠌饭真系一流不过，今日天口㷫想食碗蚝仔肉碎粥蚝仔无乜沙，够鲜，冬菜同唐芹够惹味，为哩一餐画上一个完美嘅句号。