影片
更多
2020-12-04
31 浏览
<<Thursday Couple 为食记👣😋>> 上回讲到我哋嚟到旺角行街，咁顺便呢就揾咗间Cafe，谂住两个人舒舒服服咁样食个dinner 啦! 之后喺openrice 见到有好多人推荐呢间Cafe，所以我哋就嚟咗啦。🥳地方都唔难揾嘅，不过呢就系楼上铺，所以呢就要去到登打士广场𠮶度上楼先会揾到间Cafe。里面嘅空间真系好宽敞，劲适合两个人一齐撑枱脚，佢用嘅色调啦系Tiffany Blue，所以好有少女咁，好啱打卡影相，而且佢仲有个大梳化俾你坐。好舒服男朋友直情话坐低好想瞓觉添🤣🤣🤣🤦🏻♀️佢嘅环境都有小小装饰，都几靓，仲有啲大嘅画作啦同埋啲小装饰，令到成个格调都有返Cafe嘅感觉，不过佢可能开左比较耐啦，所以餐厅有啲枱櫈，沙发都有啲残旧，但仍然系舒服嘅！之后见到佢有个二人餐，有两个主食一个小食，两杯饮品，两个甜品，都系三百几蚊，正！首先要咗个小食，系蜜糖芥茉酱鸡翼，佢焗得好熟熟，同埋好入味，配撘几好，所以我哋觉得几惊喜，而且好浓味，好有BBQ嘅感觉，呢个真系好推介！又会太热气！主食就稳稳阵阵，叫卡邦尼意粉，一直食落口，已经食到好香好趣嘅烟肉粒，好有口
上回讲到我哋嚟到旺角行街，咁顺便呢就揾咗间Cafe，谂住两个人舒舒服服咁样食个dinner 啦! 之后喺openrice 见到有好多人推荐呢间Cafe，所以我哋就嚟咗啦。🥳
地方都唔难揾嘅，不过呢就系楼上铺，所以呢就要去到登打士广场𠮶度上楼先会揾到间Cafe。
里面嘅空间真系好宽敞，劲适合两个人一齐撑枱脚，佢用嘅色调啦系Tiffany Blue，所以好有少女咁，好啱打卡影相，而且佢仲有个大梳化俾你坐。好舒服男朋友直情话坐低好想瞓觉添🤣🤣🤣🤦🏻♀️
佢嘅环境都有小小装饰，都几靓，仲有啲大嘅画作啦同埋啲小装饰，令到成个格调都有返Cafe嘅感觉，不过佢可能开左比较耐啦，所以餐厅有啲枱櫈，沙发都有啲残旧，但仍然系舒服嘅！
之后见到佢有个二人餐，有两个主食一个小食，两杯饮品，两个甜品，都系三百几蚊，正！
首先要咗个小食，系蜜糖芥茉酱鸡翼，佢焗得好熟熟，同埋好入味，配撘几好，所以我哋觉得几惊喜，而且好浓味，好有BBQ嘅感觉，呢个真系好推介！又会太热气！
主食就稳稳阵阵，叫卡邦尼意粉，一直食落口，已经食到好香好趣嘅烟肉粒，好有口感，带起成个意粉嘅香味，再加上佢个白汁煮得唔系好滞，所以我哋都成个食晒！ 赞！🤟🏼
之后就叫咗个炸鱼柳咖喱饭，咖喱系日式咖喱，偏甜，冇乜香料味，唔会太结，仲有啲薯仔同红萝卜做配菜，而佢嘅鱼柳都炸得好香脆，里面啲鱼肉冇乜腥味，亦都冇乜雪藏味！ 😉
除咗嘢食就仲有嘢饮，佢嘅特饮种类都好多，我见佢主打都系啲朱古力特饮，佢仲有一个SpeXial Drink嘅Menu，系分咗唔同嘅月份，我见𠮶个几吸引，所以加小小钱，就每人叫咗杯。我就叫咗杯以朱古力为主打嘅，男朋友就叫咗杯芒果为主打嘅，两杯都味道唔错，同埋好浓郁，建议可以试吓佢嘅朱古力特饮，因为佢都做得好浓厚，但系又唔会太甜🥰🤩
最后我哋就叫咗两个甜品，但系佢𠮶日冇炖蛋，所以我哋就拣咗Cheese cake，个cake 同外面买嘅差唔多一般般，不过不失！下次嚟睇吓可唔可以试到佢个炖蛋啦！😎🥲
不过佢真系几饱肚，两个人想舒舒服服，都可以嚟呢度撑枱脚！🤩
张贴