Infinity Workshop Cafe (已結業)

上个礼拜同个朋友行开旺角，我哋就去咗食下午茶。我哋上网见到呢间餐厅有好靓嘅拉花，所以我哋就拣咗呢间嚟食下午茶啦。呢度环境都几大嘅，可能系平日嘅关系，所以都唔系好多人，俾人感觉好舒服。咁我哋就每人叫咗杯嘢饮同埋叫咗两个意粉。我叫咗个白松露油煎香煎深海鱼柳意粉，佢个白松露味真系好香，一送到上嚟就闻到，鱼柳煎得好香口，而且鱼肉系好结实嘅，唔会松，意粉软硬度亦都整得好好。朋友𠮶个就系黑松露油炒鲜带子虎虾意粉，佢个味道明显比我𠮶个意粉浓郁啲，虾都好爽口弹牙，带子明显两边煎个嘅，但系亦都唔系全熟，可以保存着带子嘅鲜味。而我叫咗个杯系三眼仔鲜奶抹茶，卖相整得好靓，连个拉花都整得好靓。第一啖味道好重鲜奶味，但系整体来讲都系抹茶味比较重，仲带点苦涩。