天聚源 (已結業)

今晚同屋企人清清地食蒸汽锅揾到间位位蓝地，地方好大又有房户外座嘅天聚源。适合带小朋友黎，小朋友坐唔定仲有龟龟鱼鱼睇同摇摇櫈可以玩。餐厅提供懒人必备嘅套餐，大路嘅海鲜都有齐。唔够喉仲可以追加散叫menu item 。叫餐首先会上冷乌冬同沙津醒醒胃，虽然系送嘅不过乌冬都弹牙几好食！跟住时间表蒸，加上海鲜全部都好新鲜，加上海鲜处理得非常干净，冇肠冇沙。屋企人都食得好滋味。所以再追加左两只鲍鱼，可怜嘅鲍鱼上枱时都仲郁紧。。屋企人惯左有肉落肚，虽然前面已经食左滑鸡，但系好似唔多够所以特别叫左烧五花腩，牛小排串，同八爪鱼串。呢度除左食海鲜，仲有好多德国啤酒可以选择，系饮酒倾计嘅好去处，所以送酒必备嘅串烧都自然做得好出色。味道较得好之余又唔会烧得老。最后蒸汽锅当然唔小得粥底，个粥吸哂所有鸡同海鲜嘅精华。甜到不得了，十分好食。