香港郵意 (已結業)

之前系网上有睇到人介绍cafe，依间cafe好文青feel，身为cafe控嘅我点可以唔同朋友嚟打翻个卡呢。依到系不设服务㗎，虽然不设服务但佢地员工都好好礼貌，我地净系食完收翻干净就可以啦。环境舒服又阔落。龙虾肉蕃茄意粉 食落酸酸地好开胃，意粉煮得适中有咬口，龙虾肉算弹牙肉质唔霉，但略嫌蕃茄酱有啲少。烟三文鱼火箭菜pizza，依个薄饼好好食 因为佢派底够薄身，烟三文鱼唔算好油腻亦都几香烟熏味，加上火箭菜令整体嘅配搭食落好新鲜 好特别。依杯系暧昧 姐系士多啤梨蓝莓乳酪冰，冰打得几幼细 无大冰粒，饮落莓味浓郁 酸酸甜甜，味道唔假 完全无药水味，钟意莓类嘅人唔可以错过。