小點角落

营业中

休息中

收左工心郁郁都去扫街食下街头小食，奈何香港呢个月份天气又湿又热，企系街一阵都流哂大汗。好彩老婆醒目，上网揾到呢间小点角落，系正葵芳地铁站隔离新都会广场，唔使热辣辣都可以扫街。坐低即刻叫个扫街拼盘，满足下想扫街既欲望。个拼盘有成五款小食，包括麦皮虾芒果沙律脆筒，碗仔蒟蒻面，特特大鱼蛋，山椒咸蛋黄鸡翼，虾头油菜园烧卖同新煎酿三宝，系街头小食上注入创新元素，好特别。我哋仲叫左啲传统小食，分别系瑞士鸡翼同咖哩猪皮鱼蛋，过足瘾今次真系。小食之余当然要有啲主食填饱个肚，葱油溏心蛋饭同虾头油捞面落左唔同既油，好香好惹味。扫街梗系要食甜品，小点角落有好几款甜品，我哋点左即撞木桶豆腐花，芋头西米椰皇蛋白同埋杨枝甘露，老婆食到好满意，系冷气底下扫街食埋甜品，真系舒服畅快。