日悅極尚日式放題 (已結業)

今日落大雨，周围都系人。本来同朋友系尖沙咀行街，但条街又焗又热最后揾间放题坐下食下倾下计啦！系商场行行下见到咁大个招牌，决定入去一试！无book 位都唔洗等就入得啦！就眼望落去真系好大好多位🤪🤪除左点心纸之外出面都有甜品同埋小食区，甜品种类好多，但唔算做得出色，都偏甜。但好精致👍🏻另外有冷盘区，选择好多质量唔错，唔够都快补野食👍🏻食食下有人瑶铃铃，同朋友都唔知咩事只系见到有班人系到排队😂😂之后先有啲客人同我地讲原来出面派乳猪！都真系几有胶头架！有个师傅即切即分好似好专业咁😂食落口仲系脆身👍🏻人人有份呢样做得不错！刺身方面种类唔算多但够新鲜做得精👍🏻我地二个就食左一算试试。熟食方面做得比较出色，另外要讲下个榴梿炸弹一定要试！又热又香浓真系超正👍🏻至于雪糕方面，以呢个入场费黎讲高质雪糕都系必须的。但每款得2只味，试试也好。个人钟意M字头雪糕云尼拿味👍🏻野饮都系应有尽有不过不失😂整体黎讲价钱虽然偏高但食物同环境质素都算高质，上菜够快服务也十分好。