美味故事 (已結業)

美味故事临晚市停堂食前同朋友出去食个西餐，呢间楼上餐厅日式装修，环境唔错，有塌塌米座位而且其他座位都阔落。我地二人点左个一人餐加个主食，餐汤蘑菇汤同南瓜汤都好浓郁又creamy。我地拣左烟三文鱼薯仔蛋沙津配泡菜豆腐饼，味道都几好，豆腐饼较软身亦唔辣。好快主菜都上台了，西京烧三文鱼扒（香草忌廉汁）配肉酱意粉，三文鱼煎到表皮香口，里面既肉唔腥又带有油脂感配少少柠檬汁解腻又提鲜，肉酱意粉味道刚刚好唔太油腻。仲有个慢煮西班牙黑毛猪胺配肉桂苹果酱及焗薯蔬，黑毛猪煮得刚刚好，入面既肉呈粉红色，食落唔会好柴，点埋个苹果酱甜甜酸酸非常之夹。不过个黑毛猪偏肥，较多脂肪位有少少油腻。整体而言，食物都高质上菜快，坐得舒服，值得推荐。