麗晶軒 (已結業)

📍九龙湾 丽晶轩📍扺食 舒服 饮茶之选😆今日去拜访住系九龙湾嘅朋友，去咗佢屋企附近嘅一间茶楼谂住食个下午茶，三点去佢都仲有下午茶食。一去到，就同我预期中嘅茶楼真系差好远，靓好多，亦有唔错既空间感，整体感觉，似系入咗一间别致茶居，唔老派，但绝对唔系收紧新派粤菜嘅高昂价格。整体黎讲，点心热辣辣咁上，味道好。👍🏻樱花虾脆脆肠肠粉皮包住脆脆再包虾仁，面头放樱花虾。口感非常特别，有软有脆，虾味浓，有创意，有种炸两同虾肠嘅合体版嘅感觉，但又一啲都唔怪。👍🏻虾饺 - 皮薄馅靓，虾大粒鲍汁叉烧包 - 正正常常，够热，包唔霉，其实就好好食👍🏻烧卖- 口感爽弹，用料足，有虾未、菇味，猪肉味，正常好食！👍🏻珍珠鸡 - 唔油，唔会太浓味，有时好惊珍珠鸡啲鸡太淋，佢做到啲饭仲有一定既咬口，好难得，唔会一pat 嘢整体上，环境满意，两个人食非常咁饱，去开附近会再食，亦都想试下佢个晚餐鸡煲！