摩登堂 (荃灣廣場) (已結業)

荃湾一向多野食，见呢间泰菜装修几靓坐得舒服，就拣左佢同朋友聚旧。叫左一个冬阴功汤同椰子鸡汤。 鱼露味重，酸酸辣辣，捞饭一流。另外叫左海南鸡，肉唔鞋，皮光肉滑。另外叫左个泰式海鲜木瓜沙拉，都几辣，唔食辣嘅朋友记得叫少辣。 大大份，好抵食。泰式小食拼盘，里面有沙嗲串烧，虾头同埋猪颈肉，新鲜炸好，热辣辣，酱汁好食。泰式盐焗烤乌头，同朋友两个人食唔晒，要外卖拎走😂😂另外叫咗杯泰式奶茶同埋青柠梳打，唔会太甜。 最值得推介嘅甜品， 叫左榴梿雪糕，好香浓，榴梿味，仲真系有榴梿肉，非常惊喜。