AFTER TEN (已結業)

辛苦咗成个星期，非常需要一个舒适嘅地方放松心情，行过见到几间新开嘅cafe，二话不说就拣咗after ten叹个lunch。Cafe环境唔错好干净企理，简约清新嘅装修俾人一种宁静嘅感觉，坐位唔多，可以容纳到10人左右。野食方面当然有咖啡同甜品，仲有提供轻型嘅西餐。奶油鸡肉蘑菇可乐饼($98)，卖相超级吸引，本来以为系轻食，估唔到系有2份可乐饼，而已胀卜卜感觉到有好多馅料系入面，旁边仲有少少沙律。可乐饼皮有薄得黎外围有少少焦脆，而鸡肉蘑菇混入奶油后非常细滑，味道唔会太重亦都唔腻。不过如果细食嘅话，一个人食会好饱，可以同朋友share~冻可可朱古力($42)，连杯垫都系衬番杯饮品，好有心思！朱古力味好浓郁，又唔会好甜。