樂園魚蛋 (亞皆老街)

营业中

休息中

旺角呢区租金比较贵，所以好多面店都比较简约同地方较狭窄，坐得唔太舒服。但今次呢间铺头店面阔落，光线十足，一个人食晚餐都想食得舒服啲嘅，咁一于拣佢啦。餐牌图文并茂，同一般面店有所不同。睇见咁多图，即刻变得贪心左，想食多个𩠌，最后拣左鱼旦拼牛丸幼面，加杯涷柠宾，咁就系一人晚餐了。呢度可以自助添水，自己搞掂。落单后，食物几分钟内便送上，绝对唔惊会饿亲。白鱼旦好弹牙，一啲鱼腥味都无，唔怪之系鱼旦专家。牛丸比鱼旦更爽口，咬开仲有肉汁，肉质唔似沟左猪肉，好弹牙，真系估唔到咁出色。幼面无我最怕嘅碱水味，又唔会煮得太淋，质地适中，唔错。另外要赞一赞一位男侍应，虽然晚饭时间比较多人，但系我一个人拎住一袋二袋都愿意俾我坐卡座，等我可以坐得舒服啲，果然好细心呀。