金雄御車仔麵

营业中

休息中

车仔面都食得多，不过要揾到一间坐得舒服嘅车仔面档，就一啲都唔容易。而位于筲箕湾道呢间金雄御车仔面，可以话系我食咁多次车仔面以来坐得最舒服嘅一档！👍🏻车仔面两𩠌一面起，但识食嘅又点会食两𩠌咁少，个人一般食3-4个𩠌，已经超饱足，另外仲可以拣小食和饮品，整体而言，性价比甚高。以下系我推荐嘅食物：汤底首推猪骨汤加咖喱汁，咖喱汁唔会辣，但系十分惹味，令人开胃！微辣猪红猪红本身已经够健康，又含丰富蛋白质，而脂肪含量又低，自己平时好少整，所以食车仔面喺必点，而且佢嘅辣真系好轻微，食唔到辣嘅朋友都可以试吓，因为呢个辣会令丰富到你嘅味蕾。卤水猪大肠卤香味完全锁入猪大肠中，加上软滑嘅口感，齿颊留香，令人一试上瘾 ！秘制超淋牛筋牛筋口感软滑，真的是超淋，味道醇香，令人食过都想返寻味！其他嘅配𩠌其实都令人相当满意，下次可以再带妈咪嚟食其他厨师推介嘅配菜。