巧得鍋 (已結業)

搞咩午餐食鸡煲…今日有事出观塘，午餐朋友话要食鸡煲，我:”?”，大佬玩嘢咩…揾揾吓原来真系有一间有得食，仲要几平。观塘成运大厦嘅”巧得锅”，系呢头嘅名店。我之前食过晚餐，唔知原来午餐有鸡煲食，而且佢方便嘅地方系二人set。二人set可以拣鸡煲，或另外两种牛煲。连沙律、白饭同菜，都只系HKD 178，已经够二人食。鸡煲可以拣辣度，我哋拣咗BB辣。咩叫BB辣呢？就系我食完唔会流鼻水嘅😂。佢个鸡煲系有麻辣嘅麻香味，所以个酱本来已经好够味。鸡嘅份量好多，如果正常连白饭食未必食得晒。同埋佢系摆喺个炉度坐住，所以一路食一路倾偈再炒下个鸡，都唔会冻晒，几啱同朋友嚟。佢个菜系有分蒜蓉同上汤，我哋拣咗蒜蓉，正正常常啦，不过真系好大碟。另外佢系有啲特别饮品，我哋叫咗白桃茶同百香果茶，个人都系钟意白桃茶多啲，不过会有啲甜。结果饱到顶住，落楼200，地方阔落，冷气足够，坐得舒适。有时食呢啲，好过食逼逼打卡餐厅啦…