原藝 (已搬遷) 新店位置

由朋友介绍，呢间法国餐厅开业冇耐，仲系试业阶段，就决定同男朋友嚟试下。小妹预早几日去打电话落booking，因为上facebook 睇过佢地page 嘅相，主打好似牛肉类，所以booking 过程中都有问除左牛类之外有冇其他推介。接电话嘅女待应好好人，解释话其实佢地主要系串烧烧烤，除左牛之外都仲有鸡、羊、海鲜等等。如果我地有其他需要，甚至可以系booking中落定order，佢地大厨会尽量安排。到去试食当日，”原艺” 都几近太子地铁站，由太子地铁站D出口一出转右，过条马路到汝洲街，再沿住汝洲街直行到界限街就到。由附近嘅地产铺同附近酒吧嘅霓虹招牌衬托下，餐厅黑配啡嘅外观加上柔和嘅灯光，别具一格，好有”闹市中的一点宁静”嘅感觉。 “原艺” 系小铺经营，座位唔多，以吧台代替一般餐厅嘅四方台，可以同大厨面对面交流，个人而言，小妹非常喜欢呢种格局。客人可以即席欣赏大厨嘅厨艺同时，厨师又可以即时睇到客人品尝后嘅反应。 入到餐厅坐低，侍应小姐（人如其声，笑容好甜）好友善咁问要冻水定热水，小妹同男朋友都话冇所谓，不过个日男朋友著衫比较厚，有少少热到流汗，侍应小姐都好细心俾左冻水我地降温，呢点值得一赞。