大澳德發 (已結業)

疫情开始之后，铜锣湾嘅铺头都转咗好多。今日嚟新开嘅大澳德发。 大澳德发提供港式大排档菜式，但装修一啲都唔大排档，有好多旧香港嘅装饰。 前菜拣咗陈醋木耳，清新一下。小食点咗七味炸豆腐，但一啲都唔细碟。呢款炸豆腐系我比较喜欢嘅，唔系传统嘅椒盐豆腐。 店家提供不同套餐优惠，拣咗海中虾配鲍鱼。海中虾系煎嘅，咸淡适中。鲍鱼可选椒盐或酒泡，我哋拣咗椒盐，超级香口热辣辣。另外仲点咗豉椒炒花甲，花甲好新鲜，连配菜都好味。蟹肉西兰花，有好多蟹肉，绝无欺场。