Jagger

营业中

休息中

近排都喺尖沙咀返工，经常都会同同事去一间餐厅食午餐，喺尖沙咀呢个价钱食到咁美味嘅午餐，性价比真系好高，而且环境仲要好舒适。Jagger 地址系么地道31-41号F HP购物中心26号舖，餐厅有一个园林嘅环境，坐喺出边全部都系梳化椅，真系好舒适。每日喺度食lunch都有一种好放松嘅感觉。呢度嘅午餐都有大约十几款选择，全部都系七，八十元左右，性价比真系好高，而且食物嘅质素仲要系好好，今日就嗌咗烟三文鱼配pizza ，pizza饼底做到好香好薄好脆，食落去特别香口，上面嘅烟三文鱼份量都好多，加上少少香料茄汁芝士粉，令到口感同味道都更加丰富。整体嘅味道非常配搭。all day breakfast 材料非常丰富，有炒蛋，粟米，沙律，薯饼，香辣鸡扒，香肠，牛角包。牛角包啱啱焗起，热辣辣特别酥脆，加上有阵阵嘅牛油香味，好正。香辣鸡扒外皮炸到脆卜卜，鸡肉仲系好嫩滑。炒蛋配上香料，令到蛋嘅香味更加浓郁，又香又滑非常好食。香肠同薯饼亦都系我嘅至爱，最钟意佢个香肠有啲肉汁，食落去特别香口。热朱古力，一杯又香又滑嘅朱古力，连杯边度有朱古力酱。值得一赞。