影片
更多
2024-11-12
1021 浏览
今次系第二次食哩间餐厅。第一次食嘅时候，同事介绍餐厅系NGO开办，帮助有需要人士。今日再去，见到张单写住帮助自闭症人士。其实上一次食嘅体验唔系太好，所以一直都无去试第二次。不过今日有同事话想食，于是去食多次。上一次我系食 All Day Breakfast，一向All Day都系最安全嘅食物。但系餐厅调味实在太咸，啲炒蘑菇咸到好似用盐浸咁。至于炒蛋，奶嘅份量重手咗，完全遮盖咗蛋香。个牛角包窝夫上面加咗啲有味糖浆，同个包又唔夹。每个食物嘅味道都麻麻哋，然后将全部嘢放埋一齐，系第一次食到难食嘅All Day。全份早餐得个沙律菜最正常🥗上一次黎嘅时候系夏天，餐饮系水果冰茶。饮品完全无味，得啲涩味，杯饮品好细杯，但我都无办法饮哂。经过上次，今次唔会再食All Day啦，拣返啲更安全嘅食物。英国绅士炸石班：樱花虾碎蛋、双层牛角包窝夫伴薯条 ($128)同事食炸鱼薯条，个鱼略嫌炸得有啲过火。炸到外皮粉浆有啲硬，不过食落味道唔错。薯条份量好多，占咗碟嘅⅓。份餐一共有两件牛角包窝夫，其中一片洒咗糖浆喺面，另外一片就夹蛋沙律。个蛋沙律要特别介绍佢，因为佢加咗樱花虾，个蛋沙律有啲调味之余，又有少少口感，令
第一次食嘅时候，同事介绍餐厅系NGO开办，帮助有需要人士。今日再去，见到张单写住帮助自闭症人士。
其实上一次食嘅体验唔系太好，所以一直都无去试第二次。
不过今日有同事话想食，于是去食多次。
上一次我系食 All Day Breakfast，一向All Day都系最安全嘅食物。
但系餐厅调味实在太咸，啲炒蘑菇咸到好似用盐浸咁。
至于炒蛋，奶嘅份量重手咗，完全遮盖咗蛋香。
个牛角包窝夫上面加咗啲有味糖浆，同个包又唔夹。
每个食物嘅味道都麻麻哋，然后将全部嘢放埋一齐，系第一次食到难食嘅All Day。
全份早餐得个沙律菜最正常🥗
上一次黎嘅时候系夏天，餐饮系水果冰茶。饮品完全无味，得啲涩味，杯饮品好细杯，但我都无办法饮哂。
经过上次，今次唔会再食All Day啦，拣返啲更安全嘅食物。
英国绅士炸石班：樱花虾碎蛋、双层牛角包窝夫伴薯条 ($128)
同事食炸鱼薯条，个鱼略嫌炸得有啲过火。
炸到外皮粉浆有啲硬，不过食落味道唔错。
薯条份量好多，占咗碟嘅⅓。
份餐一共有两件牛角包窝夫，其中一片洒咗糖浆喺面，另外一片就夹蛋沙律。
个蛋沙律要特别介绍佢，因为佢加咗樱花虾，个蛋沙律有啲调味之余，又有少少口感，令个层次会丰富啲，食落无咁腻。
手撕冲绳阿古豚肉•西西里蕃茄•肉酱意粉 ($118)
手撕猪肉甜甜哋，猪肉丝围住意粉铺一圈，份量好够。
就咁睇，以为个意粉汁好稀，但系食落个酱汁好浓稠，意粉可以挂汁。
除咗一条条嘅猪肉丝，意粉入面仲混合咗啲肉碎，味道唔错👍🏻
宜家踏入秋冬，餐饮唔再系水果冰茶，而系热桂圆枸杞蜂蜜。
饮落都唔系好有味🤣，但有啲桂圆，浸下浸下就开始有少少甜味。
今次啲食物质素进步咗好多，食物嘅味道 同 调味都正常番好多。
大家预返食物上菜需要啲时间，唔系快速午餐，如果食饭时间唔系太长的话，会有少少赶。
旁边有coffee shop，唔想食一份正餐咁heavy，可以选择去旁边铺位，坐底饮杯咖啡。
张贴
