Kailash Parbat

营业中

休息中

今日同朋友两个人去左尖沙咀食印度菜，上网见到间餐厅啲装修都几靓就黎呢度。 都几易揾， 侍应好helpful 好认真咁解释啲野系点食， 好好笑容， 全餐饭都好轻松， 唔会比人赶住食， 好大压力咁。 本身都惊上楼铺会难揾， 但系都好易揾。好大只字写住个大厦名。入到去又有牌写住系三楼啲装修好靓， 好多色彩缤纷既餐具挂住。可能因为楼上铺， 地方大， 啲枱唔会好迫， 坐得好舒服。餐牌虽然系英文， 不过若果唔系成日食印度野都未必知系乜， 好彩下面都有讲系乜野煮成。另外都好细心咁有中文menu。即刻明白晒。野食未上， 先比左几款唔同味既sauce比你点野食。下面呢个皮好脆， 入面有啲薯仔粒， 店员教我地先再旁边啲汁倒入去再一啖放入口。 啲汁少少酸少少辣， 好配合。几好味。下面呢个入面全部都系菜同芝士， 个皮都好脆， 啲菜同芝士系入面， 口感几好。 几好味。下面个咖啡点面包， 个包好新鲜， 好软。 个汁都几辣， 好香， 好浓。 好味道。叫左杯lime soda , 有啲甜， 有啲咸， 好似咸柠七咁， 好好味。呢杯译做提子汽水， 但系唔系平时啲提子， 酸酸地， 几易入口。