小桃咖啡室 (已結業)

餐厅内有间十人左右既私人房，枱好大，开party 既朋友可以考虑，不过要预先订房啊！房内有游戏机可玩，仲有支唱歌神器添不过唱时可能会影响出面食客，哈哈。有一个柜系装board games 既，都几多款下，有啲我地未玩过。介绍下食物先我地将卡邦尼转左做餐，所以会有蒜蓉包同通粉沙律做前菜。长通粉捞吞拿鱼同粟米，冻食，三者份量配合得刚好。蒜蓉包好脆。个人唔系甘钟意生菜做沙律，所以呢个几岩胃口。卡邦尼意粉份量ok，意粉软硬刚好，汁较浓同痴，杂菌好香，几好食！all day breakfast 有蘑菇炒蛋、肠、蒜蓉包、沙律、茄汁豆同粟米粒。一个人食晒呢个都绝对够饱！喜欢吃蘑菇炒蛋！蘑菇好香，咬落去仲有少少汁。个蛋唔系全熟，湿湿地，食落好嫩滑！紫色维罗纳（提子梳打）面头系cream 同云尼拿雪糕。蝴蝶夫人，士多啤梨味。原来系facebook 会有野送，可惜最后先见到，唯有下次啦！