影片
更多
2018-03-17
135 浏览
今日夜晚去接朋友收工，去咗一间离牛头角地铁站有少少远(步行约8分钟)嘅Cafe，但亦都因为呢个原因，Cafe入边好阔落冇乜人好舒服。同朋友由8点坐到夜晚10点半，餐厅到播住纯音乐，感觉好好。Cafe入面仲有一个小小嘅艺术展览，加上精心嘅室内设计，绝对可以成为一个打卡嘅景点。 我哋叫咗两个set dinner，加左一个餐汤同埋一份沙律。主菜分别叫咗青酱烟鸭胸意粉同埋牛油果软壳蟹堡配薯条。再加上一个茶壶饮品，我哋叫咗蜂蜜伯爵茶柠檬茶壶饮品。最后仲加左甜品有抹茶批配是日雪糕(蜜糖茉莉)同埋蓝莓芝士饼配是日雪糕(海盐焦糖)。set dinner仲送左杯饮品，我哋叫咗热玫瑰茉莉花茶。当日嘅餐汤系蘑菇忌廉汤配番茄多士。餐汤非常之厚身，仲要好足料见到好多粒粒蘑菇蓉。凯撒沙律酱汁少了一点，如果多番少少就perfect!牛油果软壳蟹汉堡系呢间Cafe嘅主打食物，汉堡中间嘅夹住原只松脆嘅软壳蟹，配上清新嘅牛油果酱可以中和炸蟹嘅油腻感。旁边仲有一些沙律配上黑醋，味道层次更加丰富。厚切薯条都好香脆，用木版上晒成个汉堡餐，影相系超级靓！青酱烟鸭胸意大利粉用咗香草酱配上橄榄油煮， 不错不错！我同朋友两个人shar
我哋叫咗两个set dinner，加左一个餐汤同埋一份沙律。主菜分别叫咗青酱烟鸭胸意粉同埋牛油果软壳蟹堡配薯条。再加上一个茶壶饮品，我哋叫咗蜂蜜伯爵茶柠檬茶壶饮品。最后仲加左甜品有抹茶批配是日雪糕(蜜糖茉莉)同埋蓝莓芝士饼配是日雪糕(海盐焦糖)。set dinner仲送左杯饮品，我哋叫咗热玫瑰茉莉花茶。
当日嘅餐汤系蘑菇忌廉汤配番茄多士。餐汤非常之厚身，仲要好足料见到好多粒粒蘑菇蓉。凯撒沙律酱汁少了一点，如果多番少少就perfect!
牛油果软壳蟹汉堡系呢间Cafe嘅主打食物，汉堡中间嘅夹住原只松脆嘅软壳蟹，配上清新嘅牛油果酱可以中和炸蟹嘅油腻感。旁边仲有一些沙律配上黑醋，味道层次更加丰富。厚切薯条都好香脆，用木版上晒成个汉堡餐，影相系超级靓！
青酱烟鸭胸意大利粉用咗香草酱配上橄榄油煮， 不错不错！我同朋友两个人share两个餐食，可以试晒两只唔同嘅味道！
蜂蜜伯爵茶柠檬茶壶饮品，好饮嘅程度系完全冇谂过！本身点嘅原因系因为朋友钟意饮伯爵茶，但我就一般般，伯爵茶配上蜂蜜同埋柠檬清新清香。下边仲有一个蜡烛台可以令茶保持温暖，而且当茶壶冇乜茶嘅时候，服务员亦都会主动为你添加。
最后系甜品设计得好靓，而且配上嘅雪糕味道亦都系出面十分之少有，绝对系值得一试。 蓝莓芝士蛋糕上面嘅蓝莓系用红酒浸过嘅，不过味道有啲酸。抹茶批既抹茶味好出色，所以我觉得甜品系一定要加既！
整体来讲同朋友都好钟意呢一间Cafe，环境、食物定系服务员嘅态度都好好，我哋一定会再返去食！
张贴
