蔵鳶居酒屋

营业中

休息中

男朋友揾到尖沙咀一间静静嘅日本餐厅，佢近 the one, 斜路行上少少，都要细心啲先揾到个门口，但就觉得环境几好，坐得舒服😌炙烧帆立贝海胆寿司 $35三文鱼腩寿司 $22炙烧蟹棒寿司 $12 先食少少寿司，整体都几好食，即叫即整，而且我地坐系 bar 枱，可以睇到晒成个制作过程👍🏻明太子玉子烧 $48蛋好香好滑，明太子可以再多少少，而且份量得三片，感觉比较少。蒲烧鳗鱼定食 $108鳗鱼大大条，肉质几好，不过饭就唔系好够热；份量很好，男仔食到够晒饱肚 😎 而且每份定食都有碗茶碗蒸、前菜同沙律。牛肉汤稻庭乌冬定食 $88唔推介，汤底好淡味，乌冬正常，味道一般。清汤牛油野菌煮大蚬 $98份量都唔错，蚬肉都新鲜；初时睇menu 图片汤系黄色，以为牛油味会好多、好重，所以点嚟试吓，点知上枱就同清汤无咩分别，牛油味未见突出。