Cozy Coffee

营业中

休息中

黎到呢间2层嘅餐厅，感觉既雅致又有书卷味，系个文青好地方。墙上有好多装饰书，成个图书馆咁。我地叫左个烟三文鱼牛油果宾尼迪蛋，同埋带子意式薯丸（gnocchi）。首先讲宾尼迪蛋，成道菜整体感觉系好好食！牛油果只系薄薄一层搽系包面上，其实系食唔出味道嘅。但成道菜重点系上面个一层酱！系非常香浓嘅特制酱，有好特别嘅香味且略带酸味。加上流心嘅蛋，烟三文鱼，仲有夹埋底层嘅包，非常美味！值得推荐！而带子意式薯丸，本身就系抱住试一下新野嘅心态而叫嘅，亦事前唔知道意式薯丸究竟系点样嘅味道。一试果然系意料之外嘅味道！我唔敢话大家一定会觉得好食，但我觉得质感真系好得意，从未食过原来薯丸系可以咁嘅味道。系有d弹弹地有咬口嘅，同粒带子几可乱真！呢道菜，薯丸中夹杂住一样样嘅带子，我同朋友就好似寻宝甘，食中一粒带子就讲出黎，好好笑😆！总结，系一间环境与食物皆不错嘅餐厅！推荐宾尼迪蛋，而想试下新事物嘅亦可试一下带子意式薯丸。