NINETYs (皇后大道東) (已結業)

星期五晚放工，约朋友湾仔聚聚，为方便就脚，就去咗湾仔嘅Ninety's，佢正正位于胡忠大厦对面，真系好方便，座位都好舒适，同埋好阔落，首先服务员畀咗一樽有碳中和嘅水我哋，饮落真系都比较清新；跟住我哋点咗个波士顿龙虾意大利粉，和蟹肉芝士薄饼；好快脆个波士顿龙虾意粉就嚟到喇，龙虾细细只，但系啲肉都好新鲜好爽甜，意粉好适合香港人嘅软硬度，亦都好挂汁，仲有食用鲜花做装饰，真系色香味俱全，仲有一个钳，畀你帮嘅龙虾杠拆肉，都好细心；跟住嚟个蟹肉芝士薄饼，长方形嘅薄饼比较特别，但系食起嚟都比较方便，薄饼超脆，簿簿嘅簿饼系我最喜欢嘅款式，食落有浓郁嘅蟹肉味，再加埋爆脆嘅鱼子，味道层次复杂，咬口爽脆嘅薄饼加上芝士蟹肉，齿颊留香，回味无穷。这类食物性价比高，环境优美而宁静，真系一次朋友相聚嘅好地方。