金記冰室 (已結業)

今日放假陪屋企人游车河，下午嘅时候兜咗入峻峦到食下午茶。因为屋企人话呢度有间金记冰室嘅炸鸡脾沙律好好食，于是就奉陪到底，试试究竟有几咁出色。由于YOHO二期呢边新落成无耐，住客都只系得小猫三四只，泥泥去去见到嘅都系装修工人同客服嘅人。所以入到呢间金记，可以话系完全包场咁济！呢个环境下叹下午茶，真系好难得咁安静啊⋯⋯非常好极。废话少讲睇睇个餐牌，呢到餐牌食物嘅价位都系HKD38以上，基于呢个地段同住客嘅消费水平，价钱算系相当合理同适宜。首先点咗炸鸡脾沙律，公司三文治配薯条，仲有雪糕香蕉船。出餐相当快，先泥一杯咖啡同奶茶，呢到用嘅系黑白奶，咖啡唔酸，系即磨出泥，一阵咖啡油系面，好饮！其次炸鸡脾沙律，的确妈妈无介绍错，系炸得几出色嘅，新鲜生炸，皮薄而脆，鸡肉嫩而不老，非常好食；至于沙律份量感觉比较少，而且切得好细粒，唔太够喉，但整体味道唔错而新鲜嘅！至于个公司三文治都唔错，味道好、配料足；手工好、自然配料唔会散开；摆盘都花左心思，碟中间一兜即炸热薯条，茄汁又装好比你，大满足啊！另外，雪糕香蕉船到！小朋友最爱之选，睇下佢只手就知好急切想食喇，香蕉够甜，内里夹咗两个雪糕球，雪糕球似乎系视乎当日存