金妹記大排檔 (已結業)

早排同朋友喺铜锣湾行完街，就去咗呢间新装修无耐嘅商场揾食。原来系旺角嘅金妹大排档，而家喺呢个商场开咗分店，装修都几华丽，我哋一行几人就入咗去试吓。一坐低朋友即刻话喺呢度食嘢，一定要饮啤酒，我开头仲唔系好明佢嘅意思。原来因为喺呢度饮啤酒，会配上佢哋招牌碗，第一次用碗饮啤酒，感觉好新鲜好特别。份量都好多，哈哈！经店员介绍，佢哋提议我试下乳鸽，所以我哋就叫咗一只食下。乳鸽上枱𠮶时仲热辣辣，皮脆肉嫩，质素比想像中好。另外就叫咗一碟大排档必食嘅薯仔牛柳，喺室内食薯仔牛柳粒感觉有啲怪怪地，虽然份量唔太多，但卖相都几好。黑椒牛楼粒嘅份量比我想像中多，而且肉质都几嫩，食落唔会好鞋，而我最爱嘅薯仔都揸到外脆内软，满意！惯咗每一次晚饭都要有菜落肚，补充一下纤维，所以就叫左呢个南乳斋菜煲。菜嘅种类都算多，另外仲会有茄子枝竹等等，南乳汁有点儿少，但都尚算入味。餐厅嘅冷气系统好大，所以食到最后都有啲冻，第一次系室内食大排档，平时越食越热，今次反而越食越冻。虽然好似失去左大排档嘅风味，但呢度就干净好多，所以夏天嚟呢度食都系几唔错嘅选择。