Poseidon Restaurant & Bar (已結業)

几个月冇见朋友，趁佢就嚟生日即刻约佢出嚟食饭，拣左尖沙咀Poseidon Restaurant & Bar，位置虽然隐蔽啲但个场环境够大，而且座位阔落坐得舒服，灯光气氛都好好。我哋点左一个Grilled Lobster & Seafood Platter同一个Brown-buttered Crab Risotto。朋友仲话叫两个怕唔够食个海鲜拼盘（2人份）入边有青口，蚬，扇贝，三文鱼，鱿鱼，两只虾同埋半只只龙虾，仲有肠仔，粟米同蒜蓉包，虽然佢个汁有啲辣（朋友唔太食得辣）但我自己平时都唔食得大辣野既觉得几好，加上烧完几惹味同醒胃。而个意大利饭都好味，唯一有少少失望系冇咗海胆，因为上网见本身个面包蟹意大利饭系有海胆，但侍应话供应问题所以转左餐牌。但本身啖啖蟹肉都令个饭口感丰富。虽然只系叫左两碟菜但我哋都食唔晒，见到有啲卡位可以座4-6人下次要叫多几个朋友一齐再嚟。