鳥羽名古屋料理 (已結業)

就快去名古屋，去之前嚟止止咳先。呢度唔系好平，希望好食啦相就靓，唔知真实系点呢？先食鸡翼同串烧。鸡翼㨂左中辣，同张相一样好干身，好似太干添😐，而个辣～只系充斥胡椒粉，放近口，已想乞嗤。味道非常普通😐。串烧好ok，最系佐贺豚腩，好干身，一d都唔肥腻，好香口。豆腐好大块，质地似臭豆腐不过系唔臭嘅，好味。牛脷都好好味，好爽，咬落唔核突。鳗鱼好肥，好厚肉，有咬感，够干身，无泥味。牛肋肉就好失望，无咩好赞，好普通，爱牛的你，都可以唔洗食，食多串豚好过。跟住系寿司同稻庭乌冬。甜虾都咁大只嘅！？好胶身个吞拿鱼就太瘦了，唔够鱼香，胜在厚身啦。乌冬汤底好甜，面就偏淋身，配料都好味，多葱，d炸粉都新鲜，无万年油味。服务都好好，乜嘢回应都好爽手，出餐好快，成日帮忙装水，但系我最怕就系d人成只手🖐🏿捉住我杯口装水，呢度有一位同事就系咁，佢每次装完我都要抹番个杯