Home Sweet Home (已結業)

系openrice见到好多好评，而且比佢个名吸引，感觉甜蜜又够住家，所以黎试下。呢间餐厅好近太子港铁站，大概行3分钟左右，地点够晒方便，我呢啲路痴都唔怕揾唔到路。餐厅有好多食物可以选择，如果有选择困难症嘅朋友可以直接选择set dinner，包三款前菜、主菜、饮品同甜品。我叫咗澳洲和牛牛柳拼芝士烤波士顿龙虾同玫瑰荔枝蜜，男朋友叫咗个龙虾浓汁海鲜意大利饭加洛神花苹果蜜。先讲下饮品，配搭得非常好，唔会太甜之余仲有清新嘅感觉，仲有值得一赞嘅系佢用不锈钢饮管，好环保啊！前菜份量一啖一件，最钟意系龙虾菠菜汤，两者好夹，仲有好丰富嘅龙虾味。到主菜啦，澳洲和牛牛柳果然名不虚传，每一啖都好有牛味，仲有好多嘅肉汁。焗龙虾仲正，睇相都见到只龙虾有几大，啖啖肉，肉质鲜嫩而且有咬口😋男朋友个意大利饭都唔错，仲配有煎鱼同虎虾，有好多海鲜，好抵食！食物水准高，餐厅服务态度好，最正嘅系环境一流，系拍拖谈心嘅好地方！