梨泰院 (愉景新城) (已結業)

下午陪个朋友去左荃湾IKEA买野搞佢新屋装修搞左几粒钟，夜晚佢话要答谢我请我食晚饭😂近近地就去左隔离既愉景新城觅食～见到呢间新开既韩国菜装修几靓而且唔贵，就一齐试下😊坐低唔够一秒店员就送上四款前菜😂我哋叫咗烤牛肉紫菜包饭，泡菜煎饼，烧鸡泡鱼干，鲜人参鸡汤加白饭，热柚子蜜同埋香蕉云尼拿雪糕煎糖饼～呢度上菜速度都几快👍烤牛肉紫菜包饭材料众多口感丰富，馅同饭既比例岩岩好，食落带啲麻油同白芝麻香，简单而好食😋泡菜煎饼系餐牌上面写住两只辣椒，虽然颜色好深但系食落冇预期咁辣，比较薄身唔会咁济，围边微脆都几开胃👍烧鸡泡鱼干份量好多，唔会太㶶但略嫌干身左啲，如果可以搽多层蜜糖系面头就好啦😂😂鲜人参鸡汤闻落同饮落都好香😍 微微人参既甘香味，唔会苦涩，鸡肉超滑！！😋呢个菜式系连麻油一齐上但我同朋友都无倒啲麻油落汤度亦无要黎点鸡食，因为本身已经够甘香，唔想被麻油盖过左人参香味😊我从来都无食过韩国煎糖饼呢样野，连去韩国都无试过😅原来食落系外层偏硬身里面烟韧口感既甜品，配埋雪糕同生果，作为一餐饭既结束够晒圆满👏呢间韩菜选择非常多而且正宗 (仲要系用无激素鸡肉😮😮) 又唔驶加一，值得encore👍👍