鳥棲日本料理 (已結業)

今日又去开观塘，又去发掘下工业区嘅美食，行行吓骆驼漆大厦见到呢间鸟栖好似坐得几舒服咁，咁岩又有啲想食日本嘢，于是就入去试吓啦！我哋啱啱六点到，冇乜人静静好舒服😌又有梳化坐，环境舒适👍🏻见到有厨师推介，谂住系正嘢就叫下。寿喜牛肉锅 $128味道同出面大型连锁店嘅寿喜锅冇乜分别，不过几足料，牛肉都可以，几有牛味。然后又叫咗啲嘢自己烧，个烧炉卖相几好👍🏻胡麻汁牛肩胛 $72睇得出师傅刀工好，切得好薄，不过烧嘅时候就比较难烧，痴底。虽然如此，肉质都几松软，几好食。七味塩猪颈肉 $68猪颈肉烧起嚟好香，建议烧耐啲，可以令到啲变脆脆地，食落去肉质烟韧有口感。一口煎饺子 $52呢个几抵食，有六只饺子。外皮先得脆卜卜，入边嘅猪肉职业得够入味，食落去外脆内软层次丰富，间中肉汁流出，增加饺子鲜味！总括嚟讲抵唔抵食就见仁见智，不过环境几舒适，适合情侣嚟撑枱脚打下卡。