千上日本料理 (已結業)

约左个朋友饭聚， 大家都想食日本嘢，揾到呢间喺酒店入面嘅日本料理，价钱ok,一于试下。 我哋好早去到，唔算太多人， 两张枱之间有好多空间，唔会好迫，好舒服，倾计啱晒！另外有几间大房， 可以一班人gathering用。我哋叫咗两款小食，就系枝豆同炸河虾。 两款小食的分量都多，四个人食都够， 热辣辣嘅枝豆咸咸地，都几好味，炸河虾又香又脆，连壳食，最后俾我地清晒><仲叫左蟹子沙律， 食得出啲青瓜丝好新鲜，似即制嘅！主菜就叫左泡菜豚肉锅同铁板蒜片牛柳粒，豚肉锅加入泡菜味道，好夹，好醒胃，多款新鲜蔬菜同菇类，同豚肉一齐食，唔觉油腻。最出色就系铁板牛柳粒，烧得好香，加埋蒜片，冇得弹！ 牛柳好嫩滑，唔靳，冇乜根，钟意食牛嘅人呢个必试！因为我好钟意食蛋，所以决定叫埋 茶碗蒸黎试下，即日式蒸蛋，好滑既水蛋，入面有几款配料，食完好满足。 总括嚟讲，所有菜色嘅材料 都好新鲜， 感觉餐厅好有诚意，绝不求其，一定会再黎！