泰風情

营业中

休息中

今日朋友揸车嚟一齐去九龙塘食饭，车终于揾到位拍，就去附近嘅泰国店食晚饭，今次去左呢间，泰风情！入到去，环境舒适，地方算大，坐位都比一般泰国餐馆要大，所以几舒服！我地嗌左炸虾饼，呢个最好食！热辣辣好香好脆，入面嘅肉又弹牙，又热，又有虾味，配上酸甜酱！正，好开胃！另外嗌左个黄咖啡鸡同薄饼，我喜欢薄饼点咖啡食，所以一定咁嗌，又惊太辣吾食得，所以黄咖啡应该最吾辣？呢个就真系吾辣，咖啡味，鸡都几嫩身，份量都多，有洋葱青椒等配料，更加惹味，薄饼都好好食，其实只要热就已经好正，所以正丫，够热丫！最后嗌埋个蟹肉炒饭，呢个就不过不失，味道较淡，蟹肉都算多，炒得都算干身，但如果喜欢重味嘅朋友就可能觉得会淡左少少啦，不过我同朋友都岩食！！呢间餐厅都算中上，食物有好食都不过不失嘅，不过胜在价钱平，又方便迫车，所以都几好！！大家可试下！