茶木‧台式休閒餐廳 (MegaBox) (已結業)

偷得浮生半日闲，今日嚟呢一度食个下午茶。平日嘅下午时间， MegaBox都唔算多人，其实好多餐厅都唔爆场。拣茶木嘅原因，就系因为佢楼底高，装修环境优雅，坐得好舒服。下午茶餐，都有主食同埋甜品选择，今日有点肚饿，决定食个米粉。贡丸米粉，新竹米粉因为幼身，所以好入味。贡丸弹牙爽口，都算唔错。黑糖珍珠奶茶，我走珍珠，始终可能都系台式饮品，同港式奶茶「浸」味争好远，仲有一种我唔钟意嘅味，讲唔出系咩味，可能系黑糖？下次我都系饮柚子蜜就算啦。虽然冇乜特别惊喜，但系如果以「食」环境来说，呢度坐得真系几舒服😌。