The Stadium (已結業)

今日难得星期日约好姊妹食lunch，我地就拣左呢间，贪佢无时限，可以慢慢食，慢慢倾。系门口见到餐厅装修好特别，坐位宽敞，播住轻松既音乐，感觉好舒适。之不过，侍应带我地坐底之后，见到其中一张櫈黏上一条条既长发，见到真系唔敢坐果张櫈，都有少少唔开胃。好彩我地得3个人，果张就变左空櫈啦～我地3个都叫左set lunch 安格斯汉堡，卖相唔错，份量都大份，好彩有d沙律菜中和一下，至于味道就一般，汉堡有点硬，但薯条有2款酱比你点，沙律菜+沙律汁都好味。唯一要弹既系侍应不停走黎收呢样，收果样。好似装薯条个兜，我倒晒薯条系碟到慢慢食，佢行过一手就拎走左薯条兜，如果可以等客人慢慢食完先收，或者问声先收，就唔会咁打扰啦～ 希望可以改善下。