Whisk Factory

营业中

休息中

黄大仙区一向唔多Cafe选择，咁啱今日喺呢区工作，同埋网上见到有呢间新店开咗，今日就特登过嚟试吓。小店位于商场内，商场位置唔系特别容易揾，本区嘅街坊可能先会熟路啲。我去Cafe比较着重其环境，所以都特登search下小店嘅环境同装修，发现都几chill。今日平日下午去到，人流唔算多，正好可以俾我休闲咁睇吓书、饮下啡同发下呆，我又会可以周不时播吓咖啡师点冲咖啡，都几写意！我今日点咗一杯latte，但可惜小店没有提供oat milk，所以我拣咗whole milk，希望之后有机会可以提供oat milk。Latte 奶感比较重（可能我唔饮开全脂奶），咖啡豆风味比较nutty，饮落舒服而且顺口。另外，小店亦有提供唔同嘅包点、蛋饼同甜品，所以我都额外叫多咗一个合桃香蕉蛋糕试吓，店主会主动问需唔需要翻热。👍🏻翻热后，蛋糕外脆内软，而且好香合桃同香蕉味。咖啡同蛋糕价钱亦唔贵，绝对可以一试，CP值高！最后我坐咗个半钟，外卖嘅人都唔少，可能cafe日喺屋邨附近，一半嘅客人都系上咗年纪，都几特别。😆下次经过会再帮衬。希望呢间二人小店可以越做越好。🥸