牧羊少年咖啡館 (香港單車館) (已結業)

星期日放假就去下新地方揾野食。同屋企人黎食lee 间餐厅， 讲真环境都真系几舒服。系一个公园入面，所以你从餐厅望出去，见到公园d花草树木同埋佢里面装潢几阔落。放假黎真系几好.....虽然环境就真系劲正，但我觉得d野食真系有待改进。我地一行4人叫左个牛肉乌冬，芝士汁鲜虾意粉同两个English brunch, 芝士肉酱薯条. 第1个到嘅系意粉，见到吓窒左。个碟好大，但个粉唔多。味道普通。跟住黎左我叫嘅乌冬，样望落几正，但食落我就几失望。我本身系好钟意食乌冬，而且见佢话烧牛肉再加赞岐乌冬，心谂应该无死。 首先，汤头其实都唔差。但败笔系乌冬，我谂佢煮得太耐，食落去嘅乌冬唔弹牙加有一pat pat, 滑潺潺。非常难食.....仲有旧牛肉好韧，好难咬断。之后个Brunch 同薯条都黎。我只可以讲brunch 系无咩特别。系个薯条叫几好食，同埋个饮品(苹果蜜桃绿茶)系几好饮。 大致上黎讲如果放假黎同朋友饮杯野，hea 下就几好。但食就一般般啦！